Ovttaveardásašvuođaplánen

Ovttaveardásašvuođalága mielde eiseválddit, almmolaš hálddahusbarggu dikšu priváhta doaibmit, skuvlejumi lágideaddjit, árrabajásgeassima lágideaddjit ja bálvalanbuvttadeaddjit sihke bargoaddit galget árvvoštallat ja ovddidit ovttaveardásašvuođa iežaset doaimmainis. Lága mielde dáin doibmiin lea maid geatnegasvuohta ráhkadit ovttaveardásašvuođaplána ovddidan dihte ovttaveardásašvuođa. Bargoaddiid sihke almmolaš hálddahusbarggu dikšu priváhtadoaibmiid buohta geatnegasvuohta guoská bargoaddiide ja doaibmiide, geain leat jeavddalaččat unnimustá 30 olbmo barggus. Skuvlemis ja árrabajásgeassimis plánengeatnegasvuohta lea oahppolágádus ja doaibmabáikeguovdasaš. Plánengeatnegasvuođain ásahuvvo ovttaveardásašvuođalágas ja geatnegasvuođa sisdoallu dárkkálmahtto lága ovdabargguin.

Geatnegasvuohta bargat ovttaveardásašvuođaplána viiddui guoskat maiddái árrabajásgeassima lágideaddjiid ja bálvalanbuvttadeaddjiid, go ovttaveardásašvuođaláhka rievddai 1.6.2023. Ođasmahtton ovttaveardásašvuođalága mielde bargoaddit galget bargat ovttaveardásašvuođadili árvvoštallama maiddái barguiváldima oasil  ja bargosaji ovttaveardásašvuođaplána galgá sisdoallat maiddái čilgehusa ovttaveardásašvuođa árvvoštallama jurddabohtosiin. Árrabajásgeassima doaibmabáikkiid ja bargoaddiid guoski sirdásanáigi lea ovttaveardásašvuođaplánema oasil guokte jagi.

Ovttaveardásašvuođaplána goziheapmi

Ovttaveardásašvuođaplánen ovddida ovttaveardásašvuođa

Ovttaveardásašvuođaplána lea plána das, mot organisašuvdna iežas doaimmas ja bargoaddin ovddida ovttaveardásašvuođa ja eastada ja darvána vealaheapmái. Ovttaveardásašvuođaplánema ulbmil lea árvvoštallat ja ovddidit doaimma ovttaveardásašvuođa ollašuvvama geahččanguovllus, ja sihkkarastit doaimma ovttaveardásašvuođa. Ovttaveardásašvuođaplánen viggá buoridit duođalaš ovttaveardásašvuođa. 

Buorre ovttaveardásašvuođaplána lea bargoneavvu, mainna sáhttá dovdát doaimmainis vejolaš vealaheami dagaheaddji diliid ja ráhkadusaid, ja mainna bastá plána mielde ovddidit ovttaveardásašvuođa doaimmainis. Ovttaveardásašvuođaplána lea maid vuohki dahkat oinnolažžan vealaheami, mii lea čihkosis ráhkadusain ja čuozihit doaimmaidis eastadan ja jávkadan dihte vealaheami.

  • Ovdamearkka dihte eiseválddi ovttaveardásašvuođaplána bokte sáhttá dovdát iešguđetlágan áššehasjoavkkuid dárbbuid ja sihkkarastit, ahte buohkat bastet ovttaveardásaččat geavahit eiseválddi fállan bálvalusaid.
  • Skuvlejumi lágideaddji ovttaveardásašvuođaplána fas veahkeha ovdamearkka dihte dovdát iešguđetlágan ohppiid dárbbuid ja sáhttá fállat bargoneavvuid seahkanit heađušteapmái.
  • Árrabajásgeassima ovttaveardásašvuođaplánemiin sáhttá eastadit vealaheami ja ovddidit ovttaveardásašvuođa sihke mánáid vuoigatvuođaid ollašuvvama. Plánen veahkeha giddet fuomášumi mánáide fállojuvvon árrabajásgeassima sisdollui ja stivre bargoveaga deaivvadit mánáid ja sin bearrašiid ovttaveardásaš vugiin. 
  • Bargoaddi ovttaveardásašvuođaplána lea maiddái buorre bargoveahkapolitihka neavvu. Bargosaji ovttaveardásašvuođaplána galgá sisdoallat maiddái čilgehusa ovttaveardásašvuođa árvvoštallama jurddabohtosiin.
  • Hálddahussuorggi  stivrejeaddji eiseváldái nugo ministeriijai lea ávkkálaš dat, ahte dovdá ja merke iežas plánii vugiid sihkkarastit ovddidangeatnegasvuođa čuovvuma olles hálddahusa suorggis, ovdamearkan boađus- ja doaimma stivrema bokte.

Ovttaveardásašvuođaplánii sáhttá čáhkadit doaimmaid, maid bokte buohkat besset ovttaveardásaččat geavahit bálvalusaid ja oassálastit doaimmaide. Dákkár doaimmat sáhttet leat ovdamearkka dihte:

  • easttahis johtima sihkkarastin
  • dulkabálvalusat
  • iešguđetgielat brošyraid buvttadeapmi 
  • dakkár dieđihankanálaid geavaheapmi, mat leat juksamis.

Plánema guovddášoasit leat árvvoštallan, konkrehtalaš doaibmabijut ja ollašuhttima čuovvun

Ovttaveardásašvuođaplánema guovddáš elemeanttat leat doaimma dálá dili árvvoštallan, dan vuođul plánas ásahuvvon konkrehtalaš ulbmilat, ja maiddái doaibmabijuid ollašuhttima čuovvun.

Ovttaveardásašvuođaplánemis lea dehálaš bargat doarvái buorre árvvoštallama ja dáládili kártema plána vuođđun. Dat sáhttá gáibidit, ahte eiseváldi gullá ovdamearkka dihte organisašuvnnaid, mat ovddastit vealaheapmái rašes olbmuid sihke eará čanusjoavkkuid. Skuvlema lágideaddji ja oahppolágádus sihke árrabajásgeassima lágideaddji ja bálvalanbuvttadeaddji galget álot várret mánáide ja oahppiide dahje oahppovázziide sihke sin fuolaheaddjiide vejolašvuođa gullamii ovddidandoaibmabijuin. Bargoaddi galgá gieđahallat ovttaveardásašvuođa ovddideami ja doaimmaid váikkuhanvuođa bargoveagain. Ovttaveardásašvuođaplánemis ja árvvoštallamis galgá giddet fuomášumi sierra vealahanvuođustusaide ja doaimma dáfus dehálaš iešguđetlágan álbmotjoavkkuide.

Ministeriijat ja eará eiseválddit, geaid bargui gullá hálddahussuorggi gohcin ja stivren, galget giddet fuomášumi iežaset plánemis dasa, ahte maiddái doaibmit, geat gohcet ja stivrejit, ollašuhttet beaktilit ovttaveardásašvuođa ovddidangeatnegasvuođa.

Doaibmabijut, maiguin ovttaveardásašvuohta ovddiduvvo, galget leat doaibmanbirrasa, resurssaid ja eará diliid vuhtii váldimiin beaktilat, heivvolaččat ja vuoiggalaččat. Plánii galgá ordnet čuovvuma, ja čuovvuma ollašuvvanvuohki galgá oidnot plánas.

Ovttaveardásašvuođaplána goziheapmi 

Ovttaveardásašvuođaáittardeaddji goziha, ahte sii, geat galget lága mielde ovddidit ovttaveardásašvuođa maiddái čuvvot geatnegasvuođaideaset. Ovdamearkka dihte gieđahaladettiinis oktavuođaváldimiid áittardeaddji bivdá jeavddalaččat ovttaveardásašvuođaplánaid eiseválddiin, almmolaš hálddahusbarggu dikšu priváhta doaibmiin, oahppolágádusain ja skuvlejumi lágideddjiin.

Eiseválddiid, almmolaš hálddahusbarggu dikšu priváhta doaibmiid, skuvlejumi lágideddjiid, oahppolágádusaid, árrabajásgeassima doaibmabáikkiid ja bargoaddiid geatnegasvuođas ráhkadit ovttaveardásašvuođaplána ásahuvvo lágas. Juos doaibmi, guhte lea geatnegahttojuvvon ráhkadit plána, ii ráhkat ovttaveardásašvuođaplána, ovttaveardásašvuođaáittardeaddji sáhttá doalvut ášši ovttaveardásašvuođa- ja dásseárvolávdegoddái gieđahallan láhkai. Lávdegoddi sáhttá geatnegahttit doaibmi ráhkadit plána ja dárbbu mielde ásahit áittasáhku beavttálmahttin dihte mearrádusa.

Leatgo ráhkadeame ovttaveardásašvuođaplána? 

Ovttaveardásašvuođaplánema ráhkadeami doarjjan leat ráhkaduvvon rávagirjjážat ja earret eará čohkkejuvvon buorit geavadagat ovddidit ovttaveardásašvuođa. Sáhtát oahpásmuvvat daidda dáppe:

Ovttaveardásašvuohta Ovttaveardásašvuođa ovddideapmi Ovttaveardásašvuohta bargoeallimis Ovttaveardásašvuođa ovddideapmi oahppolágádusain