Olmmošgávperaporterejeaddji

Ovttaveardásašvuođaáittardeaddji doaibmá Suoma našuvnnalaš olmmošgávperaporterejeaddjin. Olmmošgávperaporterejeaddji bargu lea dárkkodit iehčanas ja sorjjasmeahttun oassebeallin olmmošgávppi vuostásaš barggu Suomas. Raporterejeaddji barggu mihttomearri lea ovddidit dan, ahte olmmošgávppi gillájeaddjit dovdájuvvojit, sii ožžot veahki ja sin vuoigatvuođat ollašuvvet.

Olmmošgávperaporterejeaddji bargu ja doaibmaváldi leat girjejuvvon láhkii ovttaveardásašvuođaáittardeaddjis. Lága mielde raporterejeaddji bargu lea čuovvut olmmošgávpái laktáseaddji fenomenaid, riikkaidgaskasaš geatnegahtti áššiid ollašuvvama ja našuvnnalaš láhkaásaheami doaibmama. Áittardeaddji ovdamearkka dihte ollašuhttá čilgehusaid olmmošgávppis ja dasa laktáseaddji fenomenain. Áittardeaddji sáhttá addit maiddái vuoigatvuođalaš rávvema ja spiehkkaseaddji diliin áittardeaddji lea sáhttán veahkehit olmmošgávppi gillájeddjiid rievttis.