Olgoriikkalaččaid vuoigatvuođaid ovddideapmi
Ovttaveardásašvuođaáittardeaddji bargguide gullá olgoriikkaid sajádaga ja vuoigatvuođaid ovddideapmi. Dát mearkkaša etnalaš unnitloguid, dego maiddái eará joavkkuid, mat leat vealahanvára vuolde, sajádaga ja vuoigatvuođaid čuovvuma, ja dáid joavkkuid ovttaveardásašvuođa ovddideami ja vealaheami eastadeami.
Ovttaveardásašvuođaáittardeaddjis lea lassin olgoriikkalašlága vuođul earenoamáš rolla olgoriikkalaččaid vuoigatvuođadorvvu dievasmahttin ja sin vuoigatvuođaid ollašuvvama goziheamis. Áittardeaddjis lea vuoigatvuohta gullojuvvot áššiin, mat gusket ovttaskas dorvobáikeohccái dahje olgoriikkalačča ádjimii. Áittardeaddjis lea maiddái viiddes dieđuoažžunvuoigatvuohta olgoriikkalašáššiin. Áittardeaddji beassá friddja olgoriikkalaččaide guoski persovdnaregistarii (olgoriikkalašregisttar), ja sus lea vuoigatvuohta oažžut diehtun earret eará visot sisafárrenvirgedoaimmahaga ja hálddahusrivttiid olgoriikkalašlága vuođul dahkkojuvvon mearrádusaid.
