Ovttaveardásašvuođaáittardeaddj strategiija jagiide 2024–2027.
Ovttaveardásašvuođaáittardeaddji árvvut
- vuoiggalašvuohta
- luohtehahttivuohta
- roahkkatvuohta
- láđisvuohta
- dorvvolaš bargosearvvuš
Min višuvdna 2027
Suopma lea servodat, gos juohkeovtta osolašvuohta adnojuvvo árvvus ja gos olbmuid vuoigatvuođat sihkkarastojuvvojit ovttaveardásaččat.
Min miššuvdna
Ovttaveardásašvuođaáittardeaddj bargá olbmuid, geat leat vealaheami áitaga vuolde dahje muđui rašes sajádagas, vuoigatvuođaid ollašuvvama buorrin. Mii darvánit vealaheapmái. Mii muitalit boasttuvuođain rahpasit. Mii bealuštit vuođđo- ja olmmošvuoigatvuođaid ja ovttaveardásašvuođa.
Min doaibmanprinsihpat 2024–2027
Ovttaveardásašvuođaáittardeaddj doaibmá čehpet ja roahkkadit darvánan dihte vealaheapmái ja vealaheaddji struktuvrraide, mat leat čihkosis servodagas nu, ahte geavaha láhkaásaheami addin buot doaibmaválddálašvuohta.
Mihttomearit ja doaibmabijut 2024–2027
- Servodaga struktuvrrat nuppástuvvet nu, ahte vehádagaid ja olbmuid, geat leat rašes sajádagas, vuoigatvuođaid ollašuvvan ja sajádat buorránit.
- Servodaga garrasabbon rievdi atmosfearas vuođđo- ja olmmošvuoigatvuođat ja ovttaveardásašvuohta seilot riektestáhta čiehkageađgin, maiddái olgoriikalaš olbmuid vuoigatvuođaid buohta.
- Servodagas doibmejuvvo aktiivvalaččat rasismma vuostá.
- Virgeoapmahaččaid ja eará oassebeliid doaibmanvuogit sihkkarastet duođalaččat ovttaveardásaš vuoigatvuođaid buohkaide. Dát guovddáš oassebealit leat ovdamearkan bargoaddit ja fitnodagat, mat dikšot almmolaš bálvalanbargguid.
- Mii ovddidit láhkaásaheami, mii gudnejahttá vuođđo- ja olmmošvuoigatvuođaid válmmaštallama, diehtovuođu buorideami ja árvvoštallama, ja lassin ovddidit riektevuogádaga, mii buorida vuođđovuoigatvuođaid ja ovttaveardásašvuođa.
- Mii ovddidit min siskkáldas proseassaid, vai min bargu lea plánavuloš, beaktil ja ovddalgihtii vuhtiiváldi, ja áššehasaid riektedorvvu nannejeaddji. Resurssat geavahuvvojit beaktilit.
- Nannejuvvo doaimmahaga oktasaš guovddáš temáid ja mihttomeriid dovdán, ja ráhkaduvvojit doaibmi oktasaš doaibmanmállet ja prošeavttat, ovdamearkan rasismma ja heađušteami, buresveadjinguovlluid doaimma, dahkujierpmi geavaheami, bargoeallima ja olgoriikalaš olbmuid vuoigatvuođaid oasil.
- Mii leat aktiivvalaš servodaga ságastalli ja oassebealli, sihke vuođđo- ja olmmošvuoigatvuođaid bealušteaddji ja antirasisttalaš doaibmi.
Strategalaš temát, mat deattuhuvvojit
- Antirasisttalaš bargu
- Lossa vealaheapmái darváneapmi vuollegaš šielmmáin
- Dahkujierbmi ja ovttaveardásašvuohta
- Vealatkeahtes bargoeallin ja ovttaveardásaš bargofápmobálvalusat
- Ovttaveardásašplánemii fárta ja beaktilvuohta
- Máná ovddu sihkkarastin ovttaveardásaččat, buot láhkaásahan- ja politihkkaprošeavttain, maiddái olgoriikalaš olbmuid buohta.
- Dehálaš riektegeavada ovdáneapmái váikkuheapmi buot doaimmain